大埔宏福苑五級大火發生近1個月，事故釀成161人死亡，火災發生後，不少藝人參與收集及運送物資，協助受災者渡過難關。MIRROR成員陳瑞輝（Frankie，皮皮）當時除了在社交平台轉發有用資訊外，亦到現場送物資。
有住在宏昌閣高層的「皮寶寶」（粉絲暱稱）昨天（22日）在threads發文，憶述大火當天她已上班，人沒事，但兩隻龜去了彩虹橋。
該粉絲表示這段時間為生活四出奔波，搞資助﹑過渡性房屋及撲物資：「當日著嘅衫，加物資站拎嘅衫，嗰兩星期就著住一兩套衫周圍頻頻撲撲。」她原先在11月25日執了一堆未穿過﹑由Frankie創立的自家品牌服飾，本來打算新一年有新衫著，可惜大火令她有家歸不得。
她表示見到皮皮曾幫手送物資，住在宏昌閣的小粉絲在TG向皮皮留言講多謝：「點知有一日收到DM：『你狀態如何呀？』﹑『一切都會好起來嘅，天氣都開始凍，夠唔夠冬天衫呀？你話我知咩碼黑定白，我寄啲新貨俾你？』然後真係收咗一整箱衫，由頭到腳全部幫我準備好：上至冷帽、頸巾，下至襪、保溫壺、遮，諗到諗唔到嘅都幫我諗晒，仲收到一棵聖誕樹俾我過聖誕。」
該粉絲深受感動：「原本仲擔心冬天冇衫著，點知一打開箱，就被皮皮同『放飛機團隊』（品牌）嘅愛淹沒，收到成堆暖笠笠嘅新衫，多謝你哋細心幫我揀顏色同款式，每件我都好鐘意，你除咗台上好charm，台下對粉絲都係咁用心，以後每次著呢啲衫出街，都會記得今日被你哋好好的照顧，下次見面想親口再多謝一次。#多謝皮皮 #被偶像裝備好嘅冬天 #皮寶寶好幸福」。
