「聲夢」小花詹天文（Windy）昨天（14日）出席活動，被問到對大埔宏福苑大火災民有何祝福時說︰「知道這件事後很痛心，想對他們說加油﹗Take care﹗及相信一切是最好的安排，要樂觀地面對所有事。」
有網民把有關片段擺上社交網，不少網民對Windy的回答感到驚訝，稱「又一個唔經大腦嘅公關災難」、「火災都係最好嘅安排？」、「都係唔用腦啦，佢以為tag歌好型，背後顯示佢唔係真心祝福」、「難聽過粗口」等；有粉絲代偶像解釋︰「Windy嘅意思好明顯係大家都落力幫忙大埔災民，相信災後一定有最好嘅安排，無論係社會各界嘅資源物資、居住問題、重建嘅安排，希望唔好誤會。」有網民認為︰「本來呢句係鼓勵同安慰說話，但係用喺災難上就變成乞（刻）薄同諷剌，相信佢係無心之失。」
Windy於影片下留言公開道歉，她說︰「對唔住，當時張紙嘅祝福語係自己寫嘅，本身諗住除咗講上面嘅內容自己都再講多啲祝福，但詞不達意，變咗tag歌，講咗唔啱嘅說話，好抱歉。本身想表達嘅意思係相信一切都會好起來的，但講成呢句，讓大家覺得唔舒服真心好對唔住。我之後會做義演，多啲用行動幫助災民，幫手籌款，再次同大家道歉，對唔住﹗」
她亦於社交網出帖道歉︰「關於昨天失言一事，希望藉此機會向所有受影響的人衷心地道歉。火災事件對大家來說非常沉重，昨天在台上面被問及時心情緊張，導致詞不達意，我想表達的，是希望所有事情都會好起來。經過今次事件，我會好好反省，在公開場合發言會更加謹慎，避免再有失言情況發生，為此再次向大家衷心地道歉。」
