【明報專訊】早前大埔宏福苑五級火，有人提出用無人機喺高層滅火。民建聯立法會議員葛珮帆（EQ）同香港消防處代表早前去珠海，考察7間無人機公司示範。EQ話，無人機技術喺香港仍面臨唔少技術問題，因為香港高樓密集，升空後嘅氣旋渦流易令無人機失控，而且無人機喺高溫與極端環境下嘅穩定度仍待驗證。佢又話，實戰中嘅無人機載重有限，而大範圍灑水，旋翼強風更可能反過來加劇火勢，如果撲救高層火源，喉管過長亦會導致水壓不足等問題。
EQ話網上有唔少無人機救火片段，好多係經過剪接，實際成效未知，又話內地現時都係測試階段，香港消防處都有應用無人機協助搜救，亦有研究可唔可以用無人機救火。佢提議可以邀請相關內地公司來港做實火測試，試到可靠先應用，話應用科技不求走得最快，最緊要走得最穩。
發表評論