【宏福苑五級火】爭原址重建居民質疑方案武斷 盼政府「同我哋再傾過」

【獨媒報導】財政司副司長黃偉綸日前公布長遠居住安排，但方案不包括原址重建。對於原址重建方案已被排除，宏福苑居民、原址重建聯署發起人之一張先生表示，會繼續努力向當局反映意見，希望政府「真係可以同我哋溝通」：「我見住個火燒喺我面前，我每晚都諗返起嗰啲情景都唔舒服，我哋其他街坊都有勇氣等你9年、10年嘅時候，你錢銀上有火險解決到，建議上起返一、兩棟，你係咪可以同我哋再傾過，唔好咁武斷。」

政府前日公布問卷結果，指在1,975戶中，僅183戶即9%業主只接受原址重建，另有431戶即22%業主稱會考慮政府提供的其他選項，但同時提及原址重建。張先生今早在商台節目稱「意向講唔到住」、「實在太嬲」：「我哋活下落嚟，我係其中一個火場走出嚟一份子，我覺得我哋活下落嚟嘅尊嚴，都要俾人踐踏緊。」

曾去信黃偉綸 指398名業主接受原址重建

張先生稱最憤怒的是，社署「一戶一社工」在聯絡居民時稱為初步調查，並不知悉會影響政府最終決定，質疑非常不公道：「如果當初我哋知道咁樣填，係會影響咁多嘢，我哋唔會排一啲priority 入去。」

在節目中，張先生續提到，參與聯署的業主在1月9日曾去信黃偉綸，指有398名業主即20%接受原址重建，並願意等候10年：「點解我哋嗰份問卷係會更直接表達居民意願呢？因為我哋無咁多誤導性問題，我哋直接問有幾多人想原址重建，呢個係居民最大心願。」他批評當局在初步調查中，「抽嗰個9%得咁多人係咁諗」：「你1月16號都話收到我哋呢班人嘅簽名，你而家出術抽你9%去講你自己想講嘅答案。」

倡原址重建兩至三幢大廈 望政府尊重居民心願

對於原址重建可能技術困難，張先生就指保險賠償或高達20億元，加上現時使用組裝合成法建屋，相信問題不大。被問到欲原址重建的居民，或可與宏志閣「樓換樓」及透過市場買入單位，張先生指單幢大廈仍涉及大維修，及在火災後需要翻新等問題，認為應原址重建兩至三幢大廈，互相填補屋苑開支：「一齊重建嘅時候，起碼無咁所謂嘅孤兒仔，唔洗咁辛苦。」

張先生最後希望，當局能尊重在繼續在宏福苑居住的居民的心願，並願意承擔等待的挑戰及成本，「適唔適合或者心願係點，係由居民決定」，希望當局「努力少少俾我哋有呢個選擇」：「我住咗30年，宏福苑有啲街坊喺度生活50年，呢度對我哋嚟講係一個根，我哋有好大情懷。」

問卷另一結果顯示，興趣購買政府資助房屋的1,182戶業主中，他們共作出約3,000個選擇，當中853戶選擇啟德啟陽苑。張先生指啟陽苑只有500個單位，呎數亦較宏福苑為細，而且要攪珠揀樓，居民現時難以作出決定。他認為倘若能原址重建兩至三幢大廈，「我哋呢度起碼少600戶」，可令街坊減少競爭。

重申原址重建時間太長 黃偉綸：目前方案已有相當吸引力

財政司副司長黃偉綸今早在同一節目強調，由於原址重建的時間太長，從收購業權、清拆7幢大廈，到處理遺產及重建需時10年，加上過渡安排涉及的租金津貼，及已在其他地方居住一段日子，「好難有個方案係百分百滿足到唔同人需要」。他認為，目前方案已有相當吸引力及不同選項，假若是滿足長期居住目的，「盼望大家肯考慮下」。

在節目中，黃偉綸亦重申，當局以人性化處理長遠居住安排，是「你情我願大家去傾」，而且居民「有得揀」即由現金收購、「樓換樓」方案，並有多達10個資助居屋項目的選項。他表示，居民在早前問卷反映的意願，絕不影響其將來的決定及限制。