【獨媒報導】政府安排宏福苑居民於四月下旬到單位收拾物品，居民最多可在單位逗留三小時，每單位最多4人同時間進出。住於宏新閣的 Dorz 指，雖其嫲嫲已年逾八十，但仍堅持要回單位「好好道別」，又預計當日主要會收拾文件、相片及具紀念價值的物品，衣服則會全部棄置：「唔想令到佢（因為衣服而）記住咗（大火），有啲身外物不如重新開始。」
八旬嫲嫲堅持上樓「好好道別」 惟收拾時間不足
宏福苑大火聽證會今日（1日）踏入第七天。物管公司置邦文員駱倩盈、置邦高級管理員黃百盛、置邦電工羅國瑞、及宏福苑工程主任林文欣等人於會上作證。
政務司副司長卓永興早前公布，宏福苑七座居民可於四月下旬到單位收拾物品，居民最多可在單位逗留三小時，平均每個單位最多4人在同時間進出一次。
原與嫲嫲同住於宏新閣的 Dorz 今日出席聽證會後接受《獨媒》訪問。Dorz 獲告知單位損毀情況並不嚴重，因此未有收到單位照片，並可安排四人入內收拾。他指，雖嫲嫲已年逾八十，但仍堅持要回單位「好好道別」：「因為阿爺都喺度過身，咁所以有好多回憶都喺度。」他亦預計當日主要會收拾文件、相片及具紀念價值的物品，衣服則會全部棄置，稱：「唔想令到佢（因為衣服而）記住咗（大火），有啲身外物不如重新開始。」
不過，Dorz 認為收拾時間完全不足：「我阿嫲勁多嘢啦，佢間房已經堆滿一堆嘢，我自己間房又要執，我哋仲要一齊喺個廳搵櫃，其實三個鐘係完全絕對唔會夠。」他認為當局安排欠人性化，「唔明點解我返自己屋企執嘢，都要問可唔可以返去執」，希望能延長收拾時間，並容許住戶多次出入單位。
每次筆錄會上內容 見街坊精神不俗感欣慰
Dorz 過往會到中央圖書館觀看聽證會直播。由於嫲嫲聽力較弱，他每次都會記錄會上內容，整理後再向嫲嫲轉述。他今天首次親身旁聽各方供詞，形容與以往感覺不同，現場聲音更清晰，也能直接觀察居民的反應。他又說，雖然與宏泰閣居民葉家駒並不相識，但早前從新聞得悉其喪妻經歷，今日見到葉家駒精神不俗，感到十分欣慰。
置邦興業有限公司工程主任林文欣會上被問到有關宏福工程招標進度慢的事宜時，多次回答「唔知道」及「講唔到」。獨立委員會主席陸啟康其後更反問林文欣：「咁你做乜嘢㗎？」
Dorz 形容今場聽證會「滑稽」，批評林文欣浪費時間：「可能揭示咗香港一個好官僚嘅體制，即係𢭃個人工就可以坐喺嗰個位。佢畀我嘅感覺係⋯⋯今日呢個證人係返嚟坐，即係佢好似乜都唔知。你話你係工程主任？我比較難接受係，由你本身仲喺度做，離職完又再返嚟做，唔知跟進嗰樣嘢，係真係有啲古怪。」
不過，七場聽證會之中，最令他印象深刻的是居民的供詞，形容他們在作供時再次經歷創傷，當中不少是大火倖存者，坦言難以想像倖存者心情。