【獨媒報導】大埔宏福苑火災成立的獨立委員會，今日（30日）舉行第五場聽證會。宏福苑居民周志偉先生今日岀席聽證會後向傳媒表示，會上政府部門互相推卸責任，「個個都唔理，咪搞到呢壇嘢咁大壇囉」。他認為做成今次火災，政府、新舊業主立案法團、管理公司均有責任，「政府不監管，容許佢哋咁做」。被問到希望如何改善，周先生稱：「都燒咗有乜辦法？咪等政府受一個教訓囉，如果大維修就唔好搞咁多圍標、咁多嗱喳嘢。」
居於宏昌閣207室的周先生續點名管理公司置邦及法團：「火警鐘你唔響咁點搞呀？命嚟㗎嘛！同埋立案法團，有乜理由可以畀佢一次過搭曬棚啫？你分三期做，咪唔好燒到人哋個啲啦，咪燒我哋嗰棟咪算囉，你而家燒咗七棟，咁人哋嗰啲真係好冤枉㗎。」
新法團「一朝得志，語無倫次」，當選後不理事
問及覺得舊法團有否責任，周先生則表示，舊法團責任在於簽了約，但後期導致火災發生，責任在新法團。周指岀，新法團在上任前「講好多好説話，咩都做到，會搞到個屋苑好好嘅，唔會好似之前個法團貪污」，但當選後就不理睬居民，「我哋有投訴嘅，就唔睬我哋，開會佢都唔肯」。周直言，新法團「唔知係咪受咗咩好處」，又指其「一朝得志，語無倫次」。
周先生表示，即使市民向新法團投訴，例如建築物料不當，如工程用發泡膠封窗等，依然不理會。他指，法團應為火警鐘沒有響負責：「佢樣樣都唔理咁，嗰7座大廈啲火警鐘完全都唔響，你唔響啲人點樣走啫？都唔知佢火燭，我哋頭先上面（展城館）都走火警啦！」
三期大維修同時搭棚架 居民曾投訴不受理
此外，周先生亦則疑，既然大維修已決定要分三期進行：「唔知點解搭咗我哋嗰三座棚之後，隔一個月到就全部走去搭晒棚。變咗我哋第一期（維修）嗰啲就冇人做嘢，就做曬佢哋嗰啲嘢，樣樣掂下，根本冇咁多工人做，一個月後成個屋苑搭哂棚咪火燒連環船。」他指當時亦有居民投訴，但新法團一向不理事。
單位如 「冇掩雞籠，金銀珠寶唔燒都畀人執曬」
政務司副司長卓永興早前公布宏福苑七座大廈居民可於四月返回單位收拾物件，限時三小時，如居民覺得執拾一次後仍有需要再上樓，可向一戶一社工反映，當局會彈性處理。
宏仁閣居民何先生今日再次出席聽證會，認為政府最少需安排兩次進出機會，亦要安排人手協助高層居民搬運，稱政府僅安排三小時供居民收拾不足夠。他續指，即使安排四人進入單位，每人拿兩袋物件，都難以由30多層搬運物件至地下，批評政府安排欠缺人性，「政府真係唔知用咩嚟諗嘢」。他現計劃只收拾較重要及值錢的物品，嘆言「冇辦法啦，總有啲嘢執唔到」。
周先生就認為自己時間充足，直言：「仲有啲咩執啫？好話唔好聽，我哋都有好多啲金銀珠寶，應該都冇㗎喇，就算唔燒都俾人執哂啦，冇掩雞籠咁，個個都入得去，邊有得剩啫？」他預計自己的單位應該「燒通頂」，因為傢俬的物料都是「蔗渣板」，屬易燃物，「你入返去有嘢睇到都係灰燼」。
宏福苑火災獨立委員會 聽證會｜第五日
居民作證批公務員「依足程序、法例冇講」 屬「根深蒂固陋習」
居民羅德沛：「若找不到問題和真相，百幾人走咗極其無辜」
展城館火警鐘響 聆訊中斷居民即走 陸啟康：睇到警鐘重要性
生還者憶述走火梯樓層數字消失 疑被白油「髹走咗」
大火奪去雙親 遺屬：宏福苑只能示範一次 盼各界引以為戒
居民曾憂如倫敦格蘭菲塔「燒哂成幢」 消防熱線人員：嗯嗯嗯，可以問返屋宇署
居民曾就工程合約見市建局 獲建議找鴻毅 嘆「我哋投訴嘅就係顧問」
居民周先生：盼政府受教訓﹐大維修不再有圍標
宏福苑火災獨立委員會 聽證會｜第四日
首位打999居民逃生時窗外成火海 不解為何「線路繁忙」：我真係等咗好耐
85歲冼婆婆火海中獲救 哽咽感謝消防員救人時不忘帶走遺體：香港嘅驕傲
宏泰閣老翁憶5小時待救 潑濕棚網、濕毛巾封嘴 獲救見消防以為是天使
85歲冼婆婆：如果大家拎個心做好自己，社會肯定冇咁多唔好嘅事
競委會：不排除宏福苑不只一個圍標集團
居民從30樓逃生 近乎逐層扑火警鐘但從未響起：我好想佢響
愛犬不願返家保命 居民睹火舌吞噬單位欲哭無淚
遺屬盼ICU、黃碧嬌等出席聽證會親自辯解：唔好話我哋未審先判
業主質疑「宏業」中標有問題 街坊多次聽聞黃碧嬌收授權票
外牆清潔工人爬上天台後無處可逃 困一晚至翌日獲救