【獨媒報導】今日是獨立委員會聽證會第四日，其中一名證人是居住宏昌閣的85歲冼善卿。她是火災倖存者，在消防員協助下成功逃生。冼婆婆在場外被問到如何阻止事件再發生，她指問題深奧，自己連小學畢業證書亦沒有，但認為「做人要盡本份啫」，「如果一個人有詭計去籌劃一件事呢……如果你唔係有嗰種知識嘅人呢，係冇辦法分辨得到對錯嘅」，「如果我哋大家都拎個心嚟，去做好自己一個人，社會肯定冇咁多唔好嘅事情發生。」
她介紹在場記者閱讀《增廣賢文》，指：「你讀熟佢，你就識得點樣去做人。」
冼婆婆在作供中感謝拯救她的消防員，「我今日喺你哋個鏡頭話畀佢哋四個聽，我好多謝佢救返我條命。」冼婆婆亦感謝999轉駁至與她通話的警員，令她能冷靜下來，慢慢聚精會神跟隨指示。
被問政府部門缺失 冼婆婆：距離問題
對於政府部門有不同缺失，冼婆婆指：「老實講，我哋係人，個個都有兩隻眼，係咪？⋯⋯（兩隻眼）都係望向前邊嘅 ，（故此左右兩邊）呢度嘅視覺就會錯失㗎喇。」她續稱：「唔好怪人唔追問乜嘢，因為佢睇唔到。睇到嘅咪講囉，睇唔到咁就諗囉，咁呢度就係距離嘅問題。」
被問到首次在會上看到火災後其單位的相片，她稱早前知悉有人到宏福苑單位偷竊後，曾到警署備案，警察到她的單位觀察後告訴她單位尚算完整，僅近窗位置似乎「燒光」，笑言當時想到「吓，燒光咪好弊？因為我兩個女有啲黑膠唱片，好珍貴㗎嘛，攣晒都有份呀嘛」，不過今日確認無事，「原來係啲煙燻黑咗個窗簾啫。」
稱不認同黃碧嬌代「誣告」他人居民付堂費
在作供尾聲，資深大律師杜淦堃問冼善卿有沒有說話想跟獨立委員會講時，冼婆婆提到，多年前民建聯區議員黃碧嬌曾為一人代付控告時任法團主席的堂費，涉費三萬元。記者追問此事，冼婆婆指「件事其實糾纏咗我好耐」，她認為議員不應該協助誣告他人的人支付訟費，指廉政公署曾查明無事，不解該人為何仍要告上法庭。
她憶述當時自己曾在庭外責問該人，法團主席是按業主投票結果執行任務，「（主席）佢做嘅嘢都你哋（業主）認同咗先去做，咁佢犯咩法呢？做咩會畀人告呢？」該人即時反問：「應該點樣告？」冼婆婆回應指可控告管理公司或法團，惟對方稱「我冇咁笨，業主立案法團用緊嘅係我哋啲錢」，指法團可動用公家資源，而管理公司置邦則屬大公司「大把錢」。
案件敗訴後，她指有份打官司的人每人均需支付三萬元，但入稟的該人卻不願支付。冼婆婆稱，及後黃碧嬌親自聯絡她，指「三萬蚊我畀啦」。不過她不認同黃碧嬌提供協助：「政府畀你啲錢，係畀你幫吓啲社區康樂活動，或者買啲禮物送畀啲老人家，去扶持啲弱勢家庭。你應該去幫嗰啲人㗎嘛！你點會幫打輸官司嗰個人畀律師費？我都唔同意，（但）呢個財權佢控制我都無話可說。」
翻查宏福苑業主立案法團歷來會議記錄，第六屆管理委員會曾於2009年9月29日，提到業主梁光榮入稟土地審裁處要求解散第五屆管理委員會，同年8月被判敗訴，討論法團需否向法庭申請釘契，填補他仍未向法團支付的二萬元訟費。
她表示在任法團管委會委員期間，每次會議均會邀請民政處及當區區議員參與，歷任區議員如區鎮樺、現為政制及內地事務局副局長的胡健民及黃碧嬌皆曾出席。冼婆婆提到，自該法庭案件後，黃碧嬌甚少與她聯絡。被問到黃碧嬌有否收集授權票，冼婆婆則稱曾經聽聞，但未有在她身上發生。
被問到為何選擇出席作供，冼婆婆指為盡公民義務，不認為在獨立委員會上「可以攞到啲乜嘢」，僅希望：「將呢啲訊息話畀所有人知道，當我哋遇到咁樣嘅情況之下，我哋用咩心態去處理自己。」
宏福苑火災獨立委員會 聽證會｜第四日
首位打999居民逃生時窗外成火海 不解為何「線路繁忙」：我真係等咗好耐
85歲冼婆婆火海中獲救 哽咽感謝消防員救人時不忘帶走遺體：香港嘅驕傲
宏泰閣老翁憶5小時待救 潑濕棚網、濕毛巾封嘴 獲救見消防以為是天使
85歲冼婆婆：如果大家拎個心做好一個人，社會冇咁多唔好嘅事發生
競委會：不排除宏福苑不只一個圍標集團
居民從30樓逃生 近乎逐層扑火警鐘但從未響起：我好想佢響
愛犬不願返家保命 居民睹火舌吞噬單位欲哭無淚
遺屬盼ICU、黃碧嬌等出席聽證會親自辯解：唔好話我哋未審先判
業主質疑「宏業」中標有問題 街坊多次聽聞黃碧嬌收授權票
外牆清潔工人爬上天台後無處可逃 困一晚至翌日獲救
宏福苑火災獨立委員會 聽證會｜第三日
政府開案反駁「通風報信」 稱屋宇署也會預約 時差僅一天難做手腳
旁聽居民：希望政府講多啲實話、唔好兜圈
政府指「小型工程」依賴業界自律 委員會需考慮有人瞞騙令監管失效
反駁ICU巡查標準遠低於屋宇署要求 稱計法各異「不能混為一談」
競委會：大維修「反競爭行為」包括區域協議、齊入標、幽靈標、豬標等
居民：「預約巡查」未必是適合方法 等如老師「通水」考試內容
首名倖存者作供 家園本應今月重見天日 惟今街坊各散東西
管理公司置邦指電工認關消防系統總掣
宏昌閣居民稱常見工人吸煙 淚憶火警鐘無響、不知事態嚴重