大埔宏福苑火災獨立委員會今日繼續舉行聽證會。85歲的宏泰閣居民冼善卿在會上供稱，她於約廿年前曾任宏福苑法團司庫，指曾有人要求時任法團狀告時任法團主席貪污。她當時反對，因廉署調查後無顯示有人違法，又認為訴訟費用不菲，不應以法團資源參與，但最終該人依然繼續法律程序，敗訴後須付3萬元堂費，區議員黃碧嬌稱會代對方繳付，雖冼善卿認為「告嘅人唔肯畀」，黃碧嬌亦不應該代對方繳付，但黃碧嬌有協助繳付。
冼善卿出席聽證會後接受傳媒訪問。她表示，該人三度舉報，但廉署查無實據，「咁佢仍然要去法庭告，我都唔係好明到底佢點諗。」她提到當時已向該人指出「業主立案法團主席係告唔入」，只能「告管理公司或法團」，該人最終敗訴，後來黃碧嬌親自向她表示會清繳3萬元堂費，她則向黃碧嬌稱「我哋啲錢唔係愛嚟咁用㗎喎，政府畀你嗰啲錢係畀你幫下啲社區康樂活動，或者買啲禮物送畀啲老人家啊，去扶持一啲弱勢嘅家庭啊……你點解會嚟幫人哋畀律師費啫。」
被問到居民經多番努力後，最終仍無法避免災難發生，她對此有何感受、將來如何避免同類事件發生。冼善卿說：「我連小學證書都冇嘅人，呢啲咁深奧嘅問題我唔識答，但我覺得做人要盡本份，如果一個人有詭計去籌劃一件事，如果你唔係有嗰種知識嘅人，係無辦法分辨得到對錯嘅。」
她接着寄語：「如果我哋大家都拎個心做好自己一個人，社會肯定無咁多唔好嘅事情發生。」
